ڕێژنە محمد خورشید

ڕێژنە محمد خوێندنی بنەڕەتی و ئامادەیی لە خەلیفان تەواو کردووە، و لە ساڵی ٢٠١٨ بڕوانامەی بەکالۆریۆسی لە مێژوو لە فاکەڵتیی ئادابی زانکۆی سۆران بەدەستهێناوە. لە ساڵی ٢٠٢٣، بڕوانامەی ماستەری لە مێژوو لە هەمان فاکەڵتی بەدەستهێنا، بە پسپۆڕی لە مێژووی نوێ و هاوچەرخ.

ئەو دامەزرێنەری ڕێکخراوی وەرە بۆ گەشەپێدانی گەنجان و کۆمەڵگەیە لە سۆران، کە لە ڕێگەیەوە پێشبڕکێی پاسکیلسواری، ماراسۆن، خولی فێربوونی زمان و چالاکییە خێرخوازییەکانی ڕێکخستووە. جگە لەوەش، دامەزرێنەری یانەی وەرزشیی ئافرەتانی سۆرانە و لە ئێستادا وەک جێگری هەردوو دامەزراوەکە کار دەکات.

پێشینە پیشەییەکەی بریتییە لە ئەزموونی وانەگوتنەوە لە قوتابخانەی چیاوکی بنەڕەتی لە ساڵی ٢٠١٩، هەروەها بڕوانامەی زمانی ئینگلیزی لە سەنتەری CLAD (٢٠٢٠)، و بڕوانامەی نێودەوڵەتی لە فریاگوزاری سەرەتایی و چارەسەری سروشتی لە ڕێکخراوی گرین دیزێرت (٢٠٢٢) بەدەستهێناوە.