ڕەیان هاشم حمد

ڕەیان هاشم حەمەد لە ساڵی ٢٠٢٢ بڕوانامەی بەکالۆریۆسی لە ماتماتیک لە کۆلێژی زانستی زانکۆی سەڵاحەدین-هەولێر بەدەستهێناوە. دەسپێکی ژیانی پیشەیی وەک گرافیک دیزاینەر و بەڕێوەبەری پەیجی Root Group بووە. دوای دەرچوونی، بۆ ماوەی ساڵێک لە قوتابخانەی دیدەمی ئەهلی ئەزموونی وانەگوتنەوەی بەدەستهێناوە و دواتر چووەتە قوتابخانەی بانی ئەهلی. هەروەها وەک مامۆستای ماتماتیک لە پەیمانگەی دلمان وانەی گوتووەتەوە.

ناوبراو شارەزاییەکی زۆری لە چەندین بەرنامەی جیاوازدا هەیە، لەوانە: Adobe Photoshop و Illustrator بۆ دیزاین، تاقمی Microsoft Office بۆ کارە کارگێڕییەکان، MATLAB و SPSS بۆ شیکارکردنی داتا و مۆدێلی ئاماری، لەگەڵ زمانی پرۆگرامسازی Java.