پەیمان عثمان طە

پەیمان عوسمان خاوەنی زیاتر لە ٢٥ ساڵ خزمەتی دڵسۆزانەیە لە بواری پەروەردەدا و لە ئێستادا بەڕێوەبەری باخچەی منداڵانە لە کۆمەڵگەی پەروەردەیی بارزانی نەمر. ناوبراو پەروەردەکارێکی بەئەمەک و سەرکەوتووە کە بەدرێژایی ژیانی پیشەیی دەستێکی باڵای هەبووە لە پێگەیاندنی نەوەکاندا, ئەزموونی کارکردنی پێکهاتووە لە ١٤ ساڵ وەک مامۆستای زمانی ئینگلیزی، ٢ ساڵ وەک یاریدەدەری قوتابخانە، و ٩ ساڵ وەک بەڕێوەبەری باخچەی منداڵان. مامۆستا پەیمان خاوەنی بڕوانامەی دبلۆم لە پەروەردە و بڕوانامەی بەکالۆریۆس لە زمانی ئینگلیزییە، کە لە ساڵانی ١٩٩٦ و ٢٠١٨ بەدەستی هێناون. سەرەڕای کارە پەروەردەییەکانی، چالاکانە بەشداری لە دەستپێشخەرییە کۆمەڵایەتی و جیهانییەکاندا کردووە، وەک ئەندامێکی ڕێکخراوی تەندروستی جیهانی (WHO) ، بەشداری لە چەندین بەرنامەی ڕاهێناندا کردووە سەبارەت بە بابەتە گرنگەکانی وەک پەروەردەکردنی منداڵ، هۆشیاری دەربارەی کۆرۆنا و گۆڕانی کەشوهەوا. هەروەها چەندین خولی پەرەپێدانی پیشەیی لە لایەن ڕێکخراوە نێودەوڵەتییەکانەوە تەواو کردووە، لەوانە: ڕێکخراوی منداڵپارێزی جیهانی (Save the Children)، (TIA)، و لیژنەی فریاگوزاری نێودەوڵەتی .(IRC)