عائیشە سەفەر ڕەسوڵ

عائیشە سفر ڕەسوڵ هەڵگری بڕوانامەی بەکالۆریۆسە لە زانستی فیزیا لە زانکۆی سەلاحەدین-هەولێر و ئێستا لە بەشی دەرمانسازی لە پەیمانگای پزیشکی پۆلیتەکنیکی ھەولێر دەخوێنێت.

لە ئێستادا لە کۆمەڵگەی پەروەردەیی (بارزانیی نەمر) وەک یاریدەدەری تاقیگەی فیزیایە. کارمەندی پڕۆژەی (هەژماری من) ە لەگەڵ ئەوەشدا ئەندامە لە ( Volunteer KRD) کە ڕێکخراوێکە گرنگی بە بەڕێوەبردنی چالاکییە جۆراوجۆرەکان دەدات لە سەرانسەری پلاتفۆرمە ناوخۆیی و نێودەوڵەتییەکان.

ئەزموونی پیشەیی عائیشە چەندین بوار دەگرێتەوە، لەوانە کارکردن وەک ڕادیۆگرافەر لە نەخۆشخانەی زانکۆی تایبەت، کارکردن وەک ژمێریار لە پەیمانگای( پۆلی ١٢) ، کارکردن بەشێوەی فریلانسەر وەک (داتا ئینتری) بۆ کۆمپانیا و دەزگا نێودەوڵەتییەکان.

 خولیای زانستی فەلەکناسی و گەردوونناسی هەیە، هەوڵدەدات پیشەنگ بێت وەک پڕۆفیسۆر و لێکۆڵەر لەم بوارەدا.