top of page
کۆمەڵگەی پەروەردەیی بارزانیی نەمر
ڕۆژی جیهانی مافی منداڵ
ئەمڕۆ پێنج شەممە، ڕێککەوتی ٢٠ـی ١١ـی ٢٠٢٥، لە کۆمەڵگەی پەروەردەیی بازانیی نەمر، ڕۆژی جیهانی مافی منداڵ بە شکۆوە بەرز نرخێنرا، کە تێیدا جەخت لە دابینکردنی ژینگەیەکی پارێزراو بۆ گەشەکردنی منداڵان کرایەوە. لەم بۆنەدا، سوپاس و پێزانینێکی گەرم ئاراستەی قوتابییانی ژینگە دۆست کرا کە بە چالاکیی بەردەوامیان لە چاندن و خاوێنکردنەوەی نەمامەکان، جوانی و پاکوخاوێنییان بە کۆمەڵگەکە بەخشیبوو. هەروەها ڕێز و پێزانین بەخشرایە ئەو قوتابییە هەڵکەوتووانەی کە بە "ئەستێرەکانی پۆل" ناسراون، چونکە بە ئاستی بەرزی زانستی و ڕەوشتی خۆیان نموونەیەکی درەوشاوەن. ئەم ڕێزلێنانە ئاماژەیە بۆ گرنگیدانی قوتابخانە بە هەموو لایەنەکانی ژیانی قوتابییان و هاندانیان بۆ سەرکەوتن.
bottom of page