بەڕێوەبەرایەتی خوێندنی دەرەوەی وڵات

بەڕێوەبەرایەتی خوێندنی دەرەوەی وڵات لە وەزارەتی پەروەردەی حکومەتی هەرێمی کوردستان لەڕێگەی کۆنفیدراسیۆنی ڕەوەندی کوردستانی لە دەرەوەی وڵات، لەساڵی (٢٠٢٢)ەوە خزمەتگوزاری کۆرسی فێرکردنی زمانی کوردی بەشێوەی ئۆنلاین بۆ کوردستانیانی دیاسپۆرا فەراهەم کردووە، لەمبوارەدا تا ناوەڕاستی ساڵی (٢٠٢٥) سێ کۆرس بە بەشداری (١٠٠٠) هاونیشتیمانی لە وڵاتانی جیاجیاکانی جیهانەوە بەسەرکەوتوویی بەڕێوەچووە، بەشداربووان بڕوانامەی فەرمی وەزارەتی پەروەردەیان پێبەخشراوە.
لە ئێستادا وەزارەتی پەروەردە ئامادەکاری بۆ دەستپێکردنی کۆرسی چوارەم دەکات کە لە (١ / ١٠ / ٢٠٢٥) دەستپێدەکات، وانەکان لەلایەن مامۆستایانی کارامەی زمانی کوردی بە هەرسێ شێوەزاری سۆرانی و بادینی و کرمانجی دەگوترێنەوە.
شایەنی باسە لە پۆلێکی ئامادەکراو بۆ ئەم مەبەستە لە (کۆمەڵگەی پەروەردەیی بارزانیی نەمر) وانەکانی ئۆنڵاین پەخش دەکرێت.
داوا لەسەرجەم کوردستانیانی دیاسپۆرا دەکەین کە وەک ئەرکێکی پەروەردەیی و نەتەوەیی کەڵک لەم دەرفەتە وەربگرن و منداڵەکانتان لەهەر ئاست و تەمەنێکدابن تۆمار بکەن، گرنگیدانی ئێوەی هێژا بە زمانی شیرینی دایک، زمانی کوردی، ئەرکێکە لەبواری پاراستنی شوناسی نەتەوەییمان.
بۆ تۆمارکردن تکایە ئەو فۆرمە ئەلیکترۆنییە پڕبکەنەوە بە گرتەکردن لەم لینکە:
‏https://kurdistanidc.org/ziman/
وەزارەتی پەروەردە - بەڕێوەبەرایەتی خوێندنی دەرەوەی وڵات
٧ ی ٨ ی ٢٠٢٥