top of page
کۆمەڵگەی پەروەردەیی بارزانیی نەمر
بۆ ڕۆژئاوای نیشتمان
ئەمڕۆ پێنج شەممە، ڕێککەوتی ٢٩ـی ١ـی ٢٠٢٦، بە ئامادەبوونی بەڕێز دکتۆر “ئالان حمەسعید” وەزیری پەروەردەی حکومەتی هەرێمی کوردستان و مامۆستا “لقمان سعید صدیق” بەڕێوەبەری گشتیی پەروەردەی هەولێر، کۆمەڵگەی پەروەردەیی بارزانیی نەمر کۆمەک و هاوکارییەکانی مامۆستایان و قوتابیانی گەیاندە کەمپەینی هاوکاری بۆ ڕۆژئاوای کوردستان لە پارکی شانەدەر. ئەم دەستپێشخەرییە کە بە هەماهەنگی لەگەڵ دەزگای خێرخوازیی بارزانی ئەنجامدرا، گوزارشت بوو لە گیانی تەبایی و نیشتمانپەروەریی خێزانەکان. هاوکات لە پەراوێزی کەمپەینەکەدا، پێشانگایەکی شێوەکاریی تایبەت بە ئاڵای کوردستان لەلایەن قوتابییان و بە هاوکاریی مامۆستای هونەری پۆلی پێنجەم و شەشەمی بنەڕەتی کۆمەڵگەی پەروەردەیی بارزانیی نەمر کرایەوە، کە شکۆیەکی تایبەتی بە کەمپەینەکە بەخشی.
bottom of page