دەستخۆشی بۆ ئەم دەستکەوتە مەزنەی یاریزان “سەهەند شمس الدین کمال”

دەستخۆشی بۆ ئەم دەستکەوتە مەزنەی یاریزان “سەهەند شمس الدین کمال”، ئەمە شانازییەکی گەورەیە بۆ وەرزشی کوردستان و عێراق.
سەهەند شمس الدین کمال، قوتابی پۆلی هەشتەم لە کۆمەڵگەی پەروەردەیی بارزانیی نەمر و یاریزانی تایکواندۆ، دەستکەوتێکی مێژوویی بۆ کوردستان و عێراق تۆمار کرد. ناوبراو لە پاڵەوانییەتی نێودەوڵەتی جیهانی فجیرە (Al-Fujairah International World 13 Taekwondo Champions) کە لە وڵاتی ئیمارات و بە بەشداری ٧٦ وڵاتی جیهان و ٢٠ وڵاتی عەرەبی بەڕێوەچوو، توانی لە کێشی ٦٥ کیلۆگرام لەسەر ئاستی تازەپێگەیشتووان پلەی یەکەم و مەدالیای زێڕ بەدەست بهێنێت.
شایەنی باسە ئەمە یەکەمین جارە یاریزانێکی کوردستانی و عێراقی بتوانێت لە مێژووی ئەم پاڵەوانییەتییەدا مەدالیا بەدەست بهێنێت.
هاوکات لە ڕێککەوتی ٦ـی ٢ـی ٢٠٢٦ تاکو ١٠ـی ٢ـی ٢٠٢٦ پاڵەوانییەتی وڵاتانی عەرەبی (Arab Cup Championship) بەڕێوە دەچێت.